امتحان العربي لسنة 2900, EXCLUSIVEEEE

-------------------------------------
ياجماعه فى عصرنا هذا يشتكى الطلاب مر الشكوا من الإمتحانات فانا خدت ألة الزمن وحبيت أشوف قدام شوية شكل الامتحانات اية يعنى عشان منظلمش المسئولين يمكن العيب فينا احنا لانى انا طلبت من الة الزمن تودينى زمن يكون فيه مسئولين غير المسئولين وعند اول تغير للمسئولين ودا كان سنة 2900 مهو يدوب على ميتغير المسئولين جبت الامتحان وجبت نحلو مع بعض (بس ارجوكم محدش يسرب الامتحان ويحطه في التركة للاجيال القادمه تورثوا)

إمتحان سنة 2900

-------------------------------------------------------------------

وزارة هنديك بالشبشب

أختبار اللغة العربية

ان شاء الله هنشوفك السنة الجاية يا باشا

وقت الاجابة : خلص نفسك و اجري
=====================
اسم الطالب : ناسي البطاقة في البيت يا معلم
نوع الطلب : علمي علمك
عدد الطلبات : طلب واحد شاي
عنوان المنزل (( في حالة الانتحار او الوفاة )) : اول ناصيه على ايدك اليمين
تليفون المنزل : اتنين صفر و اربعه خضر
=====================

هذا الامتحان برعاية بيبسي كولا
دلوقتي .. بيبسي الصاروخ بجنيه واحد بس ... هتفضل تغلى لغاية ماتبطلها (( وراك وراك ))

==================================================
ملاحظة: اجب عن الأسئلة التعجيزية التالية و عددها ( 6 ) إجباري و ( 1 ) اختياري على أن يكون مجموع الأسئلة (7).

ملاحظة: عجلة الجاذبية 9.8 ( في حالة انك حبيت تنط من الشباك )
يسمح بالغش من اللي وراك أو اللي قدامك أو اللي جنبك (( طبعاً ماحدش عارف حاجة عشان يديك يا حلو ))


==================================================

السؤال الأول (20 درجة )

==================================================

قال ريكو في أغنية (( خلي الشعب يعيش )) مايلي :


راحت عليكي الدنيا .. وراح زمن الشهادات
و بقيتي يا دنيا ماشية عالسقفة و عالصاجات
هزيها براحة براحة .. تفضلي على طول مرتاحة
هزيها بشويش بشويش .. خلي الشعب يعيش

==================================================

الأسئله

==================================================

1- اشرح الآبيات الاربعة الاخيرة من النص بما لا يقل عن 90 سطرا باختصار شديد (9 درجات)

2- لماذا أكد الشاعر على القصد الشريف و النية الصادقة ، و علام يدل قوله (( هزيها بشويش بشويش )) ؟ (3درجات)

3- استخرج من البيت الاول محسن ابراهيم و محسن اسماعيل مبيناً نوع كل محسن منهما . (3 درجات)

4- استخرج من البيت الثالث صورتين فوريتين مبينا نوع الكاميرا (3 درجات)


==================================================

مساحة خالية للإعلان- ت : واحد اتنين .. الجيش العربي فين

==================================================

السؤال الثاني ( 8 درجات )


==================================================
بم تفسر
1- تم نقل السوق المالي إلى سوق السمك ؟ (2 درجة)

2- إقبال الناس الى شراء نوكيا 9990 و عدم شراء نوكيا 9900 ؟ (2 درجة)

3- إغلاق شبكة الأخباربعد زواج شارون ستون ؟ (2 درجة)

4- أسباب اندلاع الحرب بين ..... ما فيش فرق، اختر أي حرب، ماهو انت هتعيد كده كده ؟ (2 درجة)


==================================================

*** أخي الممتحن أقلب الصفحة: والله لتندم عالساعة اللي دخلت فيها المدرسة ***


==================================================

السؤال الثالث –اختياري- (5 درجات)

اكتب الاسم المستوفى من السؤال


ما اسم الراجل اللي حط كرتونة مياه (( بركة )) المعدنية رقم - 966504 - في سيارة نقل القاهرة رقم - 125986 - ؟

( ورد ذكر اسم هذا الرجل في اكثر من مسلسل تليفزيوني )؟ (5 درجات)



==================================================

فاصل إعلاني: غمض عين فتح عين ... اشتري بيتزا تاخد اتنين (( هذا العرض ساري حتى نهاية الوقت المحدد للإمتحان ))

==================================================

السؤال الرابع (8 درجات)

==================================================

ورد في قناة روتانا فيديو كليب " ليلي نهاري " للمخرج كاميرون كايسي و غناء عمرو دياب :


" احكيلك ايه خلاص ما انت شايف من غير ما اقول اكيد انت عارف كلام كتير انا نفسي اقوله و كلام كتير يا ريتك تقوله
جنبك حياتي دي اجمل حياة "

الأسئلة

==================================================
1-ماذا كان يريد ان يقول عمرو دياب للبت ؟ (4 درجات)

2- ما نوع الكنبة اللي كان قاعد عليها عمرو في الاغنية , و ما إسم عامل السفنج في المصنع ( مع التوضيح ) ؟ (2 درجات)

3- ما اسم صبي الخياط بتاع ام الموديل اللي كانت مع عمرو في الكليب ؟ (2درجة)


==================================================

السؤال الخامس (20 درجة)

==================================================
موضوع تعبير


قال أحدهم: " حسن زعبولا .. ماشي بيتسالا .. محندق الجاكيته و بيتعايق بالقلة "

أكتب نبذه عن حياة ابو حسن زعبولا (( الحاج زعبولا )) و اذكر 3 اسباب عن سبب انفصال الحاجة زعبولا عن هندامة (( زوجته الاولى )) (20 درجة)

==================================================

بيبسي كولا

المشروب الرسمي لهذا الامتحان

==================================================


*** أخي الممتحن أقلب الصفحة أحسنلك (( اصلك مش عارف اللي فيها )) ***


==================================================

السؤال السادس ( 19 درجة )

==================================================

اجب عن أربعة فقط من الأسئلة التالية

==================================================


1- من برأيك أقوى وأفضل بوكيمون - هل هو – بيكاتشو ؟؟؟ (5 درجات)


2 – اذكر أسماء أبطال كابتن ماجد، مع بيان فريق كل منهم. وما عدد الأهداف التي سجلها الكابتن ماجدفي كأس العالم الأخيرة في كوريا و اليابان 2002 (4 درجات)


. ==================================================

عرض موبينيل الجديد من سمعان أبو رنه ، اشتري كارت بـ330 جنيه و احصل على نص جنيه في الرصيد مجاناً

==================================================

سؤال المساعدة ( لرفع درجاتك ) ( 20 درجة)

و ملهوش لازمة اساساً
==================================================

أ – اذكر أسماء 3 من رؤساء بلدية لقرية يوكوزوهريتاشاناتا اليابانية من ثلاثة مقاطع مع عدد السنوات التي ترأسوا فيها البلدية

ب – أذكر أسماء زوجات 5 ممن ماتوا في قصف مدينة هيروشيما اليابانية عام 1945 بالقنبلة الذرية على أن تكون إحداهن شقراء
==================================================

انتهت الاسئلة و نلقاكم في امتحان الدور التاني ان شاء الله